ഫ്ലാറ്റ് ഒരു ഗുഹയാണ് ;
കയറാനും ഇറങ്ങാനും ഒറ്റ വഴി മാത്രമുള്ള
ആധുനിക ഗുഹ.
കുന്നു നിരത്തി പണിത കോണ്ക്രീറ്റ് പിരമിഡ്
താഴെയും മുകളിലും ഇടതും വലത്തും
പല മാളങ്ങള്‍ ;ജീവിത താളങ്ങള്‍
മണ്ണറിയാത ചില ജന്മങ്ങള്‍ കളിക്കോപ്പ് കൊണ്ട്
റിമോര്‍ട്ട് യുദ്ധം നടത്തുകയും
ചോട്ടാ ഭീമന്‍ ഞാനെന്നു നിനച്ച് ;
ഒരുകാല്‍ ചവിട്ടി മറുകാല്‍ വാഴയില പോലെ ,
നെടുകെ കീറി ജരാസന്ഥജന്മമായച്ചനെ
എടുത്തെറിയപെടുന്ന ചുവര്‍ചിത്രങ്ങളോടെ
ആധുനിക ഗുഹ...
ഓരോ നിലയില്‍ വിസര്‍ജിച്ചു
മറ്റൊരു അതിഥിയുടെ വരവിനായ്
ഗുഹക്കുള്ളില്‍ ചെറു ദ്വാരങ്ങളില്‍ ;
ഷവര്‍ മഴയില്‍ ആദിമ മനുഷ്യന്‍ ,
അടുക്കളയിലെ ഉഷ്ണമേഖലയില്‍
സമയം വേവിച്ച കുക്കറില്‍
ആര്ത്തനാദമായ് നിലവിളി;
പാറകള്‍ തമ്മിലടിക്കുന്ന മ്യൂസിക്‌ പ്ലയറിലെ ബീറ്റ്സ് ,
പോയകാലത്തിന്റെ തുരുമ്പെടുത്ത ആണിയില്‍
ഈ ഗുഹയുടെ ചുമരില്‍ ചിത്രങ്ങള്‍ കൊത്തിവെക്കുകയല്ല
തലതിരിച്ചു തൂക്കി ഇടുകയാണ് ...
ഒരു താക്കോല്‍ വിശ്വാസത്തില്‍
പണിത ഗുഹയാണ് ഫ്ലാറ്റ് ..
കയറാനും ഇറങ്ങാനും ഒറ്റ വഴി മാത്രമുള്ള
ആധുനിക ഗുഹ....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ