കിനാവുകള്‍ തളിര്‍ത്തും
ഓരോ ചില്ലയില്‍ നിന്നും അടര്‍ന്നും
പിന്നെ ഓരോ കായായി വളര്‍ന്നും
എന്നില്‍ തന്നെ ഞെട്ടറ്റു വീണും
കിനാക്കള്‍ തന്‍
ഫലരസ ബിന്ദുക്കള്‍
കാലങ്ങള്‍ തന്‍
തളികയില്‍ നിറച്ചു
വീഞ്ഞ് നദിയായി
ഞാനോഴുകവേ
ഒരു കുപ്പി ;
ഒരു വെറും കാലി കുപ്പി :
വിരക്തിയുടെ മൌനരസം
കുടിച്ചു ..
ശ്വസവായുപോല്‍.
ഉണ്ടെങ്കില്‍ ഉണ്ട്
ഇല്ലെങ്കില്‍ ഇല്ല
അത്രമാത്രം സുതാര്യമാം കുപ്പി
എന്നിലെ വീഞ്ഞിനെ കടം കൊള്ളുന്നു .
ഞാന്‍ പഴയ വീഞ്ഞ്
യുഗങ്ങളായിഅടിഞ്ഞു വീണു
സ്വയം വീഞ്ഞായി മാറിയ
ഒരു ലഹരി ജന്മം
ചിന്ത-: സ്വിച്ച് ബോഡിനു ഇടയിലെ
ഒരു ചെമ്പ് സാന്നിധ്യം
കത്തിയേക്കാം ചിലപ്പോള്‍
അല്ലെങ്കില്‍ ഒഴുക്കിയേക്കാം
ഏതു ഊര്‍ജ പ്രവാഹത്തെയും
പക്ഷെ കുപ്പി അങ്ങിനെ അല്ലല്ലോ
നിറയ്ക്കുന്നത് എന്താണോ
അതാകുന്നു കുപ്പി.
പാല്‍ നിറച്ചാല്‍ അത്,
മദ്യം നിറച്ചാല്‍ അത് ,
വെള്ളം നിറച്ചാല്‍ അത് ,
ഞാന്‍ വീഞ്ഞ് കൊടുക്കാം
പക്ഷെ എന്നെ പഴയ വീഞ്ഞെന്നു
മുദ്രകുത്താന്‍ ;
മാപ്പ് സാക്ഷിയായ
ഈ പുതിയ കുപ്പി
പഴയ വീഞ്ഞിനെ ഒന്ന് കെട്ടിപിടിക്കട്ടെ
എന്നിട്ട് വേണം ;
ഈ കുപ്പിയുടെ ഓര്‍മകളില്ലാത്ത
ശൂന്യാകാശത്ത്
ഒരു വീഞ്ഞ് മഴയുടെ
ഇത്തിരി രതിമൂര്‍ച്ചയില്‍
പുതിയൊരു ;
കുപ്പിയില്‍ ഒതുങ്ങാത്ത വീഞ്ഞായി
കുപ്പിയുടെ ഉള്ളറിഞ്ഞ
ഭ്രാന്തായി ;
ഒന്ന് ഊറിചിരിക്കാന്‍
വീഞ്ഞിനും മോഹിക്കാമല്ലോ
ചോരയെ പോലെ
എവിടെ നിന്നും എപ്പോഴും
സ്ഖലിക്കാന്‍ ;
ചോരയ്ക്ക് ഒരു വീഞ്ഞ് കൂട്ട് വേണം
കുപ്പിയില്ലാതെ തെരുവില്‍
പടരാന്‍ ;
ചോരയ്ക്ക് പോലും
ഒരു ലഹരി കൂട്ട് വേണം
ഓരോ ചില്ലയില്‍ നിന്നും അടര്‍ന്നും
പിന്നെ ഓരോ കായായി വളര്‍ന്നും
എന്നില്‍ തന്നെ ഞെട്ടറ്റു വീണും
കിനാക്കള്‍ തന്‍
ഫലരസ ബിന്ദുക്കള്‍
കാലങ്ങള്‍ തന്‍
തളികയില്‍ നിറച്ചു
വീഞ്ഞ് നദിയായി
ഞാനോഴുകവേ
ഒരു കുപ്പി ;
ഒരു വെറും കാലി കുപ്പി :
വിരക്തിയുടെ മൌനരസം
കുടിച്ചു ..
ശ്വസവായുപോല്‍.
ഉണ്ടെങ്കില്‍ ഉണ്ട്
ഇല്ലെങ്കില്‍ ഇല്ല
അത്രമാത്രം സുതാര്യമാം കുപ്പി
എന്നിലെ വീഞ്ഞിനെ കടം കൊള്ളുന്നു .
ഞാന്‍ പഴയ വീഞ്ഞ്
യുഗങ്ങളായിഅടിഞ്ഞു വീണു
സ്വയം വീഞ്ഞായി മാറിയ
ഒരു ലഹരി ജന്മം
ചിന്ത-: സ്വിച്ച് ബോഡിനു ഇടയിലെ
ഒരു ചെമ്പ് സാന്നിധ്യം
കത്തിയേക്കാം ചിലപ്പോള്‍
അല്ലെങ്കില്‍ ഒഴുക്കിയേക്കാം
ഏതു ഊര്‍ജ പ്രവാഹത്തെയും
പക്ഷെ കുപ്പി അങ്ങിനെ അല്ലല്ലോ
നിറയ്ക്കുന്നത് എന്താണോ
അതാകുന്നു കുപ്പി.
പാല്‍ നിറച്ചാല്‍ അത്,
മദ്യം നിറച്ചാല്‍ അത് ,
വെള്ളം നിറച്ചാല്‍ അത് ,
ഞാന്‍ വീഞ്ഞ് കൊടുക്കാം
പക്ഷെ എന്നെ പഴയ വീഞ്ഞെന്നു
മുദ്രകുത്താന്‍ ;
മാപ്പ് സാക്ഷിയായ
ഈ പുതിയ കുപ്പി
പഴയ വീഞ്ഞിനെ ഒന്ന് കെട്ടിപിടിക്കട്ടെ
എന്നിട്ട് വേണം ;
ഈ കുപ്പിയുടെ ഓര്‍മകളില്ലാത്ത
ശൂന്യാകാശത്ത്
ഒരു വീഞ്ഞ് മഴയുടെ
ഇത്തിരി രതിമൂര്‍ച്ചയില്‍
പുതിയൊരു ;
കുപ്പിയില്‍ ഒതുങ്ങാത്ത വീഞ്ഞായി
കുപ്പിയുടെ ഉള്ളറിഞ്ഞ
ഭ്രാന്തായി ;
ഒന്ന് ഊറിചിരിക്കാന്‍
വീഞ്ഞിനും മോഹിക്കാമല്ലോ
ചോരയെ പോലെ
എവിടെ നിന്നും എപ്പോഴും
സ്ഖലിക്കാന്‍ ;
ചോരയ്ക്ക് ഒരു വീഞ്ഞ് കൂട്ട് വേണം
കുപ്പിയില്ലാതെ തെരുവില്‍
പടരാന്‍ ;
ചോരയ്ക്ക് പോലും
ഒരു ലഹരി കൂട്ട് വേണം
