പല്ലുകള്‍ക്കിടയില്‍ ഒരമ്മയെ പോലെ നാവ്
പൊഴിഞ്ഞുപോയ പല്ലിനിടയില്‍
ഇടയ്ക്കിടെ ചെന്ന് നോക്കും .
മകന്റെ വരവ് :
കാത്തിരിക്കുന്ന അമ്മയെ പോലെ .
മക്കള്‍ക്കിടയില്‍ ഒരു
മുള്ളോ നാരോ
വിലങ്ങായി നിന്നാല്‍
പിന്നെ അതായി :
ഒരു മൃദു സ്വാന്തനമായി
അവിടെ അങ്ങിനെ ....
തലോടി ഇരിക്കും
എരിവിനെയും
പുളിപ്പിനെയും
മധുര്യത്തെയും
ഒരു പോലെ
നുണഞ്ഞു;
ഉള്ളില്‍
ഉമിനീരിന്റെ
സ്നേഹം കലര്‍ന്ന
മഹാസമുദ്രവുമായി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ